CSS Template

За прв пат „Клетници“ во прилепскиот театар

596

Прилепскиот театар „Војдан Чернодрински“е подготвен за премиерата на претставата „Клетници“ според делото на Виктор Иго, во режија на Мартин Кочовски која во петок премиерно ќе се изведе. Ова е комплексен проект во кој што е вклучен целокупниот тим на театарот, при што се опфатени 40 актери. Претставата „Клетници“ е работена според истоименото дело на Виктор Иго. Автор на драмскиот текст е Горјан Милошевски, драматург е Владимир Ѓорѓијоски, костимите, сценографијата и дизајнот на светлото се на Јулијана Војкова Најман, а музиката на групата „Фолтин“. Авторот на „Клетници“ Иго на создавањето на ова дело посветил неколку децении, ова е комплексен проект, историски настан вели Мартин Кочоски, режисер на претставата.


– Вистинска тема во вистинско време, бидејќи една од најважните теми е борбата за праведност, која е макотрпна и тешка, но и љубовта кон човештвото. Кога ова ќе се спои во една претстава станува многу комплицирано, а никој не се занимава со овие теми денес. Претставата „Клетници“ е уште еден доказ дека со прилепскиот театар работиме ангажирани теми, вели режисерот Мартин Кочоски.


Претставата трае 3 часа, но според некои од актерите може да се каже дека е „кратка“ со оглед на она што „Клетници“ може во суштина да понуди многу повеќе на уметнички план.
– Ова е голем залак за прилепскиот театар, но во исто време и европски проект, европски начин на размислување во контекст на актуелноста, зашто „Клетници“ е големо дело и дава простор на различни начини да се реализира. Ние го работиме она за што постоиме, а оваа претстава е токму тоа, вели актерот Владимир Ѓорѓиоски.
Претставата „Клетници“ е последна премиера на театарот „Војдан Чернодрински“ за годинава. Утре вечер ќе биде претпремиерата, а на 28 ми, во петок предноговодишно ќе се одржи премиерното издание.

semm
Farma Dolneni
Vivafarm