CSS Template

Под овие услови не може да се работи!

- Протест на стоматолозите во Прилеп-

671
Avtokontrol1

Попладнево на протест пред Здравствениот дом во Прилеп, излегоа и матичните стоматолози. Основната причина е нивното несогласување со предлог договорите на Фондот за здравствено осигурување.
Претседателката на регионалниот одбор на стоматолози Дафина Богеска вели дека протестот е со цел да го искажат револтот бидејќи работат во загуба.

– Договорот од фондот поставува некои барања од нас кои немаат исплата на средства за осигурениците. Така што бараме под итно да се почнат разговори во насока за промена на досегашниот модел на исплата со цел усогласување со Законот за здравствено осигурување, бидејќи, сегашниот договор е противзаконски. Бараме да се зголеми годишниот буџет на стоматолозите кои во моментот е помалку од 1 процент од вкупниот Буџет на здравство, односно една четвртина од буџетот на општите лекари. А исто така бараме да се корегира мрежата спрема нормативите за економска исплатливост на една ординација. За да се усогласи договорот со Фондот, бараме во меѓувреме да се потпиши Анекс на стариот договор, бидејќи под овие услови не може да се работи, вели Богеска.

Моментно просечната плата на стоматолог во Македонија изнесува 15.000 денари.Основниот проблем велат матичните стоматолози е што Фондот оддвојува малку, односно недоволно средства за примарната и превентивната стоматолошка заштита, сектор во кој што најмногу се погодени матичните стоматолози.

semm
Farma Dolneni
Vivafarm