ДСЗ кампања во Прилеп „Иднината им припаѓа на оние кои се подготвени“ (ГАЛЕРИЈА)

Под мотото „Иднината им припаѓа на оние кои се подготвени“, Дирекцијата за заштита и спасување на Македонија и ПО на ДЗС Прилеп, вечерва на градскиот плоштад „Методија Андонов – Ченто“ спроведоа едукативна кампања. Граѓаните се едуцираа како да се заштитат од пожари, за соодветно да одговорат на потребите. Потоа им беа делени прирачници за заштита од пожари, како и по едно пластично шише вода. Беше презентирана дел од опремата за справување со пожари.Дирекцијата за заштита и спасување ја реализира едукативната кампања за заштита од пожари во шуми и на други отворени простори.
Во соработка со Министерството за внатрешни работи и Министерството за земјоделство, водостопанство и шумарство веќе се преземени превентивни мерки, од март, донесена е забрана за движење во шума и шумско земјиште освен за вработените во ЈП Национални шуми. Забраната ќе трае до нејзино отповикување. Намалувањето на заканите од пожари е само најава за низата кампањи кои ќе се водат под мотото „Иднината им припаѓа на оние кои се подготвени“, а ќе вклучуваат кампања за намалување на последиците од поплави, земјотреси и други катастрофи предизвикани од природата и човекот. Една од поважните проекти на кој работи тимот на експерти при Дирекцијата за заштита и спасување е изготвување на семејниот прирачник кој ќе биде промовиран оваа есен.
Кампањата за заштита од пожари под мотото „Иднината им припаѓа на оние кои се подготвени“ започна од 15 јули, а ќе трае до 15 овој месец.