Економското училиште од Прилеп преку Еразмус +размени искуства со партнерски училишта од странство за вштините со финасии

20 професори од училишта по економска струка , од  повеќе земји: Унгарија, Литванија, Шпанија, Италија, Хрватска и Македонија, им беа гости на  СОЕПТУ „Кузман Јосифоски – Питу“- Прилеп . Сите тие се дел од проектот „Финансиски и претприемачки вештини за активно граѓанство“, од програмата на Еразмус +, финансиран од ЕУ и Европската комисија преку Националната Агенција за европски образовни програми и мобилност.

„Нашиот училишен центар ‘Кузман Јосифоски – Питу’ е биде домаќин на гости кои ни доаѓаат од шест држави, вклучувајќи ја и Македонија. Гостите доаѓаат од партнерски училишта преку проект добиен од програмата на Ерасмус +, а во кој се вклучени шест држави: Македонија, Италија, Унгарија, Шпанија, Литванија и Хрватска. Нашиот училишен центар покрај овој проект има добиено и нови четири проекти, од кои два се координатори добиени од нашата национална агенција и два се партнерски проекти. Односно, ние сме партнери во проектите добиени преку други национални агенции од Полска и од Австрија“- посочи директорката на СОУ „Кузман Јосифоски – Питу“, Билјана Марковска.

Гостите го посетија и опшинското собрание. Градоначалникот Илија Јованоски ги информираше за можностите кои им ги нуди градот под Марковите кули, и ги покани да се запознаат со културно-историското и природно наследство. Тој на гостите им нагласи дека Општина Прилеп е дел од проект на Еразмус + програмата, заедно со  Архитектонскиот факултет од Американ Колеџ, Институтот за архитектура од Виена и Институтот за архитектура од Рим, Италија.

Целта на проектот “Финансиски и претприемачки вештини за активно граѓанство“ е да учесниците разменат искуства во светот на парите, економијата и финансиите, да се создадат можност за поттик за претприемништво и развивање на претприемачкиот дух,и  да се развијат нови знаења, ставови, вештини и способности за работа со пари, финансии, буџет и буџетирање.