CSS Template

Карпалак во сеќавање и предупредување – да не се повтори!!!

119
Avtokontrol1

Болката по хероите прилепските армиски резервисти: Сашо Китановски, Нане Наумовски, Марко Деспотовски, Љубе Груески, Бранко Секулоски, Дарко Велјаноски, Горан Миноски, Пеце Секулоски, Веби Рушидоски и Ердован Шабаноски, убиени од заседа на 8 август, 2001-та година, на патот Скопје – Тетово, кај месноста Карпалак останува засекогаш, и после 18 години од трагичниот 8 август 2001 година, тагата не згаснува.
Во нивна чест денеска се одржа централното чествување се одвиваше пред спомен обележјето „Карпалак“, каде свежо цвеќе положија: делегација од Општина Прилеп предводена од градоначалникот Илија Јованоски, делегација од Министерството за одбрана и Генералштаб на Армијата, предводена од заменичката на
Претседателот на Владата и министерка за одбрана, Радмила Шекеринска, делегација од кабинетот на Претседателот, г-дин Стево Пендаровски, делегација од Собрание, предводена од пратеничката Кети Смилеска, делегации од здруженија на борци од Прилеп иМакедонија, семејствата на загинатите бранители и политички партии.

„ Не 18, 180 години да поминат вие и вашите идни поколенија
секогаш ќе погледнувате во овој споменик, ќе си поставувате прашања, ќе се
сеќавате, ќе паметите и ќе жалите. Денес оваа нивна жртва, покажува колку на
сите нас мора да ни бидат важни мирот и стабилноста“, истакна во обраќањето министерката за одбрана, Радмила Шеќеринска.

Градоначалникот Јаваноски во своето обраќање истакна дека тагата заедно ја делиме сите, иако таа најдлабоко ја чувствуваат семејствата.

„Карпалак е вечно сеќавање за нашите храбри херои кој треба да ни биде како потсрек сите заедно обединети и сплотени без оглед на разликите да ја чуваме и сакаме нашата држава. Оваа колективна жртва на Прилеп од 2001- та нека биде опомена, а исто така и порака со дијалог и во мир и слобода да ги решаваме сите разлики “, истакна градоначалникот Јованоски.

Во чест на хероите денеска претпладне, се одржа панихида во црквата „Св. Петка“ , а делегација од Општина Прилеп рано наутро ги посетија и вечните почивалишта на бранителите во градот и во населените места, а делегации од здруженијата на бранителите ја посетија и месноста Карпалак, каде на 8 август 2001 година се случи трагичниот настан.

Farma Dolneni
Vivafarm