Манчески повторно снима филм во Мариово

Во близина на с.Крушевица започна со снимање „Врба“, шестиот долгометражен игран филм на најтрофејниот македонски режисер Милчо Манчевски, кој е автор и на сценариото.

„Врба“ е три испреплетени приказни за љубов и доверба – едната од македонското средновековие, другите современи – се огледуваат и се во контраст една со друга. Иако ги раздвојуваат векови, ликовите во „Врба” имаат слични грижи, радости и соништа.

Главните улоги режисерот ги довери на младите актери: Никола Ристески, Сара Климоска, Наталија Теодосиева, Ненад Нацев и на веќе искусната Камка Тоциновски.

Снимањето на филмот ќе трае до првата половина од декември и ќе се снима на локации во во живописните мариовски села Штавица, Дуње и Зович, на Трескавец, во Преспанскиот Регион и на различни локации низ Скопје.

Во Крушевица за потребите на снимањето изградени се два филмски сета, со автентични сценографски решенија во духот на времето, кое режисерот сака да го долови во филмот, а во Штавица ќе се користат веќе постоечки ресурси со дополнително преуредување.

Во абгуст Манчевски ги сними првите две сцени на Трескавец,од каде и започна снимањето на филмот „Врба„

„Врба“ ќе биде шести игран филм на Манчевски, кој од Агенцијата за филм на Република Македонија е поддржан со 1,2 милиони евра. Во продукција е на „Банана Филм“ и продуцентот Јане Ќортошев.

Преземено од divianarts.com