Меѓународен ФИС ролер ски куп „Тоше Проески“

Трета година ролер ски натпревари со единствена цел поврзување на двете општини Кривогаштани и Крушево, со огромна поддршка од локалните самоуправи, а под покровителство на Министерството за внатрешни работи и Агенцијата за млади и спорт. Спортско и културно поврзување, дружење е целта на купот. Стартот на меѓународните трки е од Центарот на Кривогаштани, а целта во Крушево. Трките се бодуваат исто како и зимските натпревари.
– Настанот започнува со официјален тренинг во петок 24 август, во 15 часот, а трките се закажани за сабота и недела во 9 часот. Во сабота стартуваат трките со поединечен старт на 12км мажи и 6км жени во слободен стил, додека во недела се трките на 10км мажи и 5км жени исто така во слободен стил. Натпреварите се официјализирани пред 3 години, истакна Ѓоко Динески, селектор на македонската нордиска репрезентација.
Повеќе околу самата идеја на купот, организацијата, учесниците и плановите за иднина од разговорот со Динески, селектор на македонската нордиска репрезентација.
Емисијата „Жешко столче“се емитува секој петок во 10 часот, а репризните изданија се во недела во 13 ч. и во вторник во 18 ч. на Радио Пела на 96,8 MHz или на нашиот линк за следење преку интернет.