Oдбраната на Раул – клуч за успех на ова ЕП! Разговор со Горан Кузманоски – Таста, интернационалниот прилепски ракометар, играч на романски Одорхеи

Горан Кузманоси-Таста(35), некогашен македонски репрезентативец, денeска веќе седум години, играч и капитен во романскиот Одорхеи. Годинава потпиша, потворно, двегодишен договор со овој романски клуб. Кузмановски дојде во Одорхеи, 2010 година и се истакна како еден од клучните играчи,со што ја доби и капитенската трака од тимот.

 Изминатава сезона тој беше наименуван и за помошник тренер во тимот, а по остaвката на тренерот Влад Чаба, ја доби довербата да го води тимот како играч-тренер во разигрувањето за 5- то место во романскиот шампионат, кое пак му донесе и европски настапи за оваа година

Од доаѓањето на Кузманоски во клубот, Одорхеи стана и македонска база во Романија и клуб во кој секоја сезона играат по неколку македонски ракометари. Во овој романски клуб, покрај Кузманоски, досега беа и Стојанче Стоилов, Лазо Мајнов, Мите Стоилов, а изминатава сезона таму настапуваа и Милорад Кукоски и Гоце Ојлески.

Своите ракометни почетоци Кузманоски -Таста ги  започнува во некогашниот ракометен гигант Тут-ком Прилеп, и веднаш беше забележан од македонската рекометна јавност, што беше и дел од златната генерација на младинската репрезентација, која го освои 4 место на европското првенство во Полска во 2002. Од македонските клубови тој има настапувано во Вардар, Металург и Пролет, а како интернационален  играч, играл во неколку екипи во Шпанија, Португалија и Исланд. За репрезентацијата на Македонија има настапи во сите категории.

 

Радио Пела:Најпрвин, како го видовте синоќешниот натпревар меѓу Словенија и Македонија?

 Горан Кузманоски Најпрвин честитки за момците. Изиграа одлична „машка“ игра со Словенија ,која донесе многу голема борба, возбудувања, драма и заврши среќно за нашата репрезентација. Нашата репрезентација едноставно на колена ја фрлија Словенија, третата најдобра селекција во светот. И,тоа е голем успех .Словенија ја совладавме,но и Црна Гора со борбена и храбра игра  можеме да ја победиме.

 

Радио Пела:  Кои се можностите на Македонската репрезентаација на ова ЕП во Хрваска. Може ли да се бориме за висок пласман?

Горан Кузманоски:  Со успехот во Србија ракометот во Македонија стана уште попопуларен. После светското првенство во Хрватска, Македонија настапува на најголемите репрезентативни собири. Тоа е голем успех за една мала држава како Македонија. Веќе станавме ракометна нација и добро е што сме препознатливи по спортот –  ракомет. Во Хрватска не чека тешка група. Германците кои се мои фаворити на ова првенство се фаворити во групата.  Битно е што сите репрезентации имаат респект кон нас. Овој тим е составен од искусни и млади. Во една добра атмосфера и без голем притисок дека треба да освоиме некое место мислам дека ќе направиме добар успех

 

Радио Пела: Кое место е реално да го  очекуваме за македонската репрезентација? Според твоето мислење  како рекометар  и репрезентативец,  кој е најнезгоден противник на македонската репрезентација во нашата група и воопшто од репрезентациите на ЕП?

Горан Кузманоски : За кое место ќе освоиме не сакам да прогнозирам пред време, затоа што – пласманот во следната фаза е успех за нас. Многу тешка група имаме ….. Како што напоменав Германија е најтежок противник затоа што се работи за една добра репрезентација предводена од млад селектор кој што со успех го водеше Лајпциг.

 

Радио Пела:Кој е најголмиот адут во  македонската репрезентација?

 Горан Кузманоски Сигурно КИРИЛ ЛАЗАРОВ е најсилниот и најголемиот адут. Играч од светска класа секогаш мотивиран за Македонија. Заедно со Стоилов, Миркуловски и Ристовски предводени од Раул очекуваме добар пласман. Раул е тренер кој што пред Вардар работеше со Душебаев долги години во Сиудат. Тоа е знак дека неговиот успех во Вардар не е случаен. Наметна нов стил на ракометна игра  и мислам дека неговата тактика во одбраната ќе биде клучот на ова првенство.

 

Радио Пела: Твое мислење за сегашниот состав на македонската репрезентација – што може оваа репрезентација да постигне ?! Дали младите како Талевки, Кузманоски би требало да блеснат на ова превенство ?

Горан Кузманоски : Поголемиот дел од овој состав заедно играат долги години и веќе добро се познаваат. Мислам дека го имаме еден од најдобро уиграните состави на ова првенство. Младите Кузманоски и Талески,се позитивно надополнување кое треба позитивно да ја оправдаат довербата затоа што овие двајца се иднината на македонскиот ракомет.