По поразот од Академија Пандев, Победа ита кон второлигашкото друштво

Победа е се поблиску до Втората фудбалска лига во Македонија. Денеска екипата на Победа беше поразена со 1:3 од Академија Пандев на заостанатиот меч и на пет кола до крајот.
Победата на гостите денеска ја осигураа Дориев, Мишов и Стојков а единствениот погодок за домаќините го постигна Макота за домашниот тим на Победа.
Со денешниот натпревар Победа е на дното од табелата со 23 поени, со 8 помалку од Беласица и 11 негатива зад Силекс.
Академија Пандев се наоѓа на третата позиција која води во квалификациите во Лига Европа идната сезона, односно со 11 бода повеќе од Шкупи на пет кола до крајот.
Победа за да се спаси треба да се случи навистина чудо, односно треба позитивни резултати во сите 5 натпревари до крајот, додека пак Силекс треба да загуби на четири од петте последни мечеви.