Почина возач при работа во рудник во прилепско

Прилепчанец, возач на товарно возило, починал при извршување на работните задачи. Имено, вчера, во 11.15 часот, во Полициската станица Прилеп било пријавено дека во рудник во Прилеп, Д. З. (67) од Прилеп, кој управувал товарно возило „сканија 113“, со велешки регистарски ознаки, при извршување работни задачи во рудникот паднал од камионот. Тој бил пренесен во Општата болница Прилеп, каде што од лекар била констатирана смрт. По наредба на јавен обвинител, телото на починатиот било дадено на обдукција.