Починал возач по излетување од локалниот пат Крушеани – Обршани

Маж почина во сообраќајна несреќа во прилепско, информира МВР. Трагичната несреќа се случија вчера попладне во 17:40 часот кога на локалниот пат село Крушеани-село Обршани, прилепско, 59-годишниот В.К. од село Подвис, управувајќи патничко возило “Пежо 306“ со прилепски регистарски таблички, изгубил контрола и излетал од патот.
По незгодата возачот со возило на Итна медицинска помош од Прилеп бил пренесен во болница во Прилеп, каде во 18:40 часот починал. Увид на местото на настанот извршила екипа од Полициската станица Прилеп.