Под силно полициско обезбедување започна дистрибуцијата на изборниот материјал

Утринава започна дистрибуцијата на изборниот материјал од битолската печатница „Киро Дандаро“ за вториот круг од претседателските избори кој ќе се одржи в недела на 5 мај. Процесот се одвива под силно полициско обезбедување.
Гласачкиот материјал во текот на денот ќе се дистрибуира до секоја Општинска изборна комисија, а за тоа се задолжени 12 тимови на ДИК.

На Единствениот избирачки список кој е заклучен на 29 март регистрирани се 1.808.131 гласачи , а за да се оствари потребниот цензус, на гласање треба да излезат 723.253 гласачи.