Прв маратон на Крушевското Езеро

Крушевското Езеро ќе ја добие првата спортска манифестација во пливање. На 9-ти август со почеток во 11 часот на езерото за прв пат ќе се одржи маратон во пливање. Маратонот е во организација на пливачкиот клуб Вардар 2018 Скопје е со поддршка на Општина Крушево. Маратонот го носи името на Тоше Проески. Пливачите ќе се натпреваруваат во дисциплината маратон во должина од 2,5 км во кружна патека. Организаторот, пливачкиот клуб Вардар 2018 најавува дека целта е оваа спортска манифестација да прерасне во традиција.

За уште поголема мотивација на пливачите учесници на Првиот Крушевски Маратон ќе има вредносни награди – Ваучери за апсолутна категорија мажи/жени за освоени прво второ и трето место.

Ваучерот за прво место ќе изнесува 5000 денари

Ваучерот за второ место ќе изнесува 3000 денари

Ваучерот за трето место ќе изнесува 2000 денари, најави организаторот.

Со тоа, покрај меѓународните параглајдинг и змајарски манифестации, како и  рекреативните насловени како „Вен ин Крушево“, кои пак опфаќаат интересни извиднички и авантуристички содржини, ова е нова спортска атракција во Крушево. За посетителите е најважно што патната инфраструктура до езерото е комплетирана, а природата и прекрасниот воздух се единствени, доколку сакаат да го посетат градот и да уживаат во уште еден спортски настан.