Таблата на споменикот од Александар Македонски во Прилеп не издржа ниту еден ден

Истиот ден од како беше поставена таблата на споменикот на Александар Македонски во Прилеп, беше оштетена. Во обид да се откорне од споменикот, парчето метал е свиткано, но исчкран е зборот „хеленска“ култура . Таблата на единствениот споменик на Александар Велики во Прилеп, инаку донација од американскиот бизнисмен Ѓорѓија Џорџ Атанасоски,е само на македонски и англиски јазик, на спомениците во Скопје таблите се на македонски, англиски и албански јазик.

Владата даде наредба институциите да ги имплементираат одредбите од договорот за содржината на сите споменици, јавни згради, инфрастуктура, знамиња и грбови. Минатата недела се поставија табли на спомениците во Скопје, а сонцето од Кутлеш се бришеше со брусалици.
На ознаките, согласно Преспанскиот договор, на македонски, албански и на англиски јазик пишува дека овие споменици припаѓаат на античката хеленска историја и на светското културно наследство.