Уште еден убедлив пораз, Победа – Шкендија 1:4

Со убедливи 1-4 Победа се врати од Кочани каде беше домаќин на натпреварот со шампионот Шкендија. За фудбалерите на Шкендија 23-та победа, а за Победа идентичен број на порази.
Уште од почетокот на првото полувреме со офанзивната игра на гостите победникот беше повеќе од познат. По само 12 минути игра резултатот беше 2 гола предност за Шкендија, а првите 45 минути завршија со високи 1:3.
Победа во вториот дел имаше можност да намали по досудениот пенал, но Макота биеше високо над голот и резултатот остана непроменет. Офанзивната игра на Шкендија резултираше со конечни 1-4 во 54 тата минута со гол на Бериша.
Победа наредното коло гостува во Скопје кај Вардар.