Жељко Јоксимовиќ на третата вечер од Пивофест

Балканската мега ѕвезда Жељко Јоксимовиќ ќе биде во центарот на вниманието за време од третата фестивалска вечер која се очекува да започне на централната бина од 21 часот.

На неговиот концерт ќе им претходат настапите на Фортисимо бенд, Некст Тајм и Џенан Лончаревиќ. Инаку ова е второ гостување на популарниот Јоксимовиќ на Пивофест по оној незаборавен концерт кој што одржа во 2012 година.Инаку, синоќа фестивалот на пивото и скарата беше во знакот на групата Ван Гог, но и настапите и рефрените на Дарио и „Миг 21“, а атмосферата кулминираше со настапот на Црвена јабука.
Забавата продолжи до раните утрински часови со Ди џеј Мозел, кој приреди вистински диџеј сет.
„Пивофест“ досега поминува во најдобар ред, без никакви инциденти, што секако се очекува и за преостанатите две вечери.
Кулминацијата на фестивалот по традиција се очекува на последната четврта вечер за кога централно место ќе земе настапот на балканската фолк музичка ѕвезда Шабан Шаулиќ кој за прв пат настапува на Пивофест во Прилеп.