Вљубениците на природата во акција за обновување на планинарскиот дом “Томе Темелкоски” на Селечка

Фарбање на дограмата, варосување на трпезаријата,  качување на нови шпорети на дрва , поставување на соларни рефлектори во дворот на домот и во трите соби и  трпезаријата,  и чистење во домот и околу него, така започна акцијата на неколку членови од планинарските здруженија “Момата” и “Прилепски планинарски авантуристи” за санација и обнова на планинарскиот дом на  Селечка Планина “Томе Темелкоски”.

Заедно, здружени, прилепски волонтери и вљубеници на природата, направија одличен подвиг за оживување и ставање во функција на ова планинарско почивалиште и собиралитеште, кое беше оставено на забот на времето.

Планинарскиот дом на Селечка Планина, “Томе Темелкоски”, е единствен планинарски дом во реонот на Прилеп. Во чест на човекот (по професија влечкар) кој го изградил домот (пет години го градел)  Томе Темелкоски,  од 2017 година се организира и планинарски марш на кои  учестуваат на 300- 500 планинари од земјава и од странство.

Ова вака се заврши. Но, сега, за целосно обновување на домот, се очкува да помогнат и опшетвено одговорните фирми , кои би придонесле за подобар одмор и престој на планинарите, кои сакаат да ги посетата и погледнат најубавите предели на Селечка планина качувајќи се по нејзиние падини.