Запленети 2 600 парчиња пиротехнички средства во Прилеп

Полициски службеници од СВР Битола – полициската станица од општа надлежност – Прилеп, денеска на улица „Методија Шаторов – Шарло” во близина на прилепскиот пазар, при преглед кај прилепчанецот З.М. (37) пронашле 2600 парчиња различни видови пиротехнички средства.     Како што информираат од МВР, предметите од страна на полициските службеници се одземени, а со З.М. е извршен службен разговор во полициска станица и по целосно документирање на случајот ќе биде поднесена соодветна пријава.