За 5 месеци украдени над 50 сообраќајни знаци во прилепско

Сообраќајните знаци повторно „атрактивни“ за крадците изминативе 5 месеци. Според информациите од МВР само во регионот на прилепско украдени се 54 сообраќајни знаци од три регионални патни правци:

На 06.03.2023 во 14.00 часот во ОВР Прилеп било пријавено дека во периодот од октомври 2022 година до 03.03.2023 од магистрален пат А3 Прилеп – Тополчани биле одземени 17 сообраќајни знаци, од регионален пат Прилеп-Македонски Брод биле одземени 26 сообраќајни знаци и од регионален пат Прилеп – Крушево биле одземени 11 знаци. Се преземаат мерки за расчистување на случајот.