Субвенции за до 9 месечно складирање на пченицата и јачменот

На денешната седница Владата донесе интерветна мерка од Законот за земјоделство и рурален развој за складирање на пченицата и јачменот. Со интервентната мерка се обезбедува поддршка на земјоделците за складирање на јачменот и пченицата во рок од девет месеци, а претходно оваа поддршка траела два месеца. Со тоа се овозможува субвенционирање за складирање на пченицата и јачменот во складишните капацитети од девет месеци, што значи 120 денари по тон, од месец. Оваа поддршка се однесува на сите земјоделци кои сакаат да ја користат.

Оваа мерка е преку Програмата за директни плаќања, а е со цел на земјоделците да им се обезбеди  поголема сигурност и да ги продадат пченицата и јачменот тогаш кога сметаат дека се најдобри откупните цени.