Лавовите ги собраа бодовите од Прилеп (ФОТО)

Рамноправно прво полувреме на првенствената пресметка помеѓу Победа и Македонија Ѓорче Петров.Во почетните минути по една полушанса за гол и на двете страни за да во 31 минута,Абази од редовите на гостите да избегне офсајд ситуација и да го отвори резултатот.Но домаќините израмнија само неколку минути подоцна кога од корнер ситуација и со глава, мрежата ја погоди Ѓурковиќ. Првиот дел го обележа и жолтата боја , Ставрев ги нареди со жолти и едните и другите.

И во второто полувреме гостинот повторно постигнува прв погодок.Од наизглед безопасна ситуација, Скендери пласираше во десниот долен агол и го совлада Тофиловски. На седум минути пред крајот резервистот Алексовски реализираше на одбиена топка од домашниот голман и го зголеми водството на 1:3. Како краен епилог впечатокот е лош за црвено белите,  зошто само еднаш успеаа да ја затресат  мрежата на лавовите а прилепската публика очекуваше нов триумф.Вака скопјани за многу кратко време се подобри од Победа , еднаш во купот и сега во шампионатот.