Од март зголемување на минималната плата и во приватниот и во јавниот сектор

Минималната плата идниот месец најверојатно  ќе биде околу 20 500 денари во приватниот и јавниот сектор. Зголемувањето ќе значи за 2 000 денари линеарно да се покачат и платите во државната администрација, средства што се предвидени во сите институции, рече денеска министерот за економија Крешник Бектеши, кој што е убеден дека за законското решение ќе дадат поддршка сите политички партии.

Министерството за финансии ги направило сите неопходни калкулации и е подготвено да се реализира зголемувањето на минималната плата и платата на административните службеници.

-Воведовме законско решение за утврдување на минималната плата. Методологијата е целосно усогласена со синдикатите и институциите. Имајќи го предвид зголемувањето на минималната плата, очекувам дека покачувањето ќе биде над 2 000 денари линеарно за секоја категорија во државната администрација. Ако некој се спротивстави на зголемување на платите, мислам дека ќе направи голема грешка, а ако треба да се носи законско решение, најверојатно ќе го поддржат сите политички партии. Треба да направиме се што е во наша можност за да ги зголемиме платите, имајќи ги предвид инфлацијата и очекувањата на граѓаните и во таа насока ќе постапиме како Влада, посочува министерот Бесими.