Традиционален уметнички хепенинг на Ротари во чест на 3 ти Ноември

Во чест на Празникот „3-ти Ноемви“ – Ден на ослободувањето на Прилеп, Ротари клуб Прилеп од Прилеп организира традиционален уметнички хепенинг. На овогодишната манифестација ќе земат учество млади талентирани ученици од средните училишта, нивните професори како и членови на Друштвото на ликовни уметници од нашиот град. Манифестацијата ќе се одржи пред домот на културата „Марко Цепенков“ на 03 Ноември 2022 со почеток од 11 часот.

Учесниците на хепенингот ќе можат да творат во техника акрил на слободна тема.

Сите потребни материјали за работа на учесниците на ликовниот хепенинг ги обезбедува организаторот, а делата остануваат во сопственост на Ротари клуб Прилеп и ќе се користат за изложби и аукции за хуманитарни цели.

Од страна на стручната комисија оценувани ќе бидат само уметничките творби на учениците. Најуспешните три ќе бидат наградени со пригодни награди.