СЛУШАЈТЕ ВО ЖИВО

CSS Template

30 години независност низ призмата на првиот градоначалник на Прилеп, Илија Димоски Шаторо (Видео)

316

  • Најзначајната придобивка од 30 години независност е 8-ми Септември и референдумот !„
  • Првите македонски пари “стартери“ изпечатени во Прилеп!
  • Малку требеше да се создаде нов воен конфлик на Балкнот помеѓу ЈНА и македонскиот народ – ни пренесува дел од сеќавањата, Илија Димоски Шаторот во својата приказна, за Македонија како независа, суверена и самостојана држава..

Македонија денеска бележи три децении независност, три децении реалност на историскиот сон на македонскиот народ за самостојна држава. „ 8-ми Септември и изгласувањето на референдумот за независна,  суверена и самостојна држава е најзначајната придобивка во овие 30 годинишна независност на Макдонија. Тој,8-ми септември 1991 година преставуваше ден на заокружување на вековната борба на македонскиот народ низ историјата за добивање на национална самобитност и државна независност„ .- раскажува првиот градоначалник на Прилеп (тогаш Претседател на Собранието на општина Прилеп) , Илија Димоски Шаторо, по повод 30 години од независноста на Македонија.

„На референдумот на 8 септември 1991 година, позитивно се изјаснија 95,09 отсто од излезените граѓани, или 72,16 отсто од вкупниот број граѓани со право на глас, за суверена и самостојна македонска држава под името Република Македонија. По затворањето на избирачките места, граѓаните спонтано се собраа на плоштадот „Македонија“ во центарот на Скопје, а над 4 000 граѓани на Прилеп се собраа да ја прослават независноста пред зградата (сега на старата) општина Прилеп.

„Тука во градот на не покорот, Прилеп, се испечатија и првите македонски пари т.н „стартери“ кои потоа се именуваа во денари. Но, првите македонски пари, првата македонска валута, се „роди„ во Прилеп, во печатницата 11-ти Октомври. Една бнкнота од 10 први т.н „стартери„ ја доби првиот претседател на Македонија Киро Глигоров, која кога му ја подарив, ја бакна бакнотата и посака да ни биде вечан“

„Југословенската војска сеуште беше во касарната „Мирче Ацев„ „Требеше само еден мал момент и да настани конфликт помеѓу нив и луѓето собрани надвор од касарната кои бараа ЈНА да ја напушти касарнат. Не требаше многу да се започне воен конфликт. Но, тоа не се случи благодарение што како претседател на Собранието на Прилеп  (градоначалник) стигнав навреме да го спречим,  ЈНА да не не пука врз собраниот народ и мирно да го собере оружјето и да ја напушти касарната„- раскажува првиот градоначалник на Прилеп (тогаш Претседател на Собранието на општина Прилеп), Илија Димоски Шаторо, по повод 30 години од независноста на Македонија. Целот разговор можете да го погледнете тука:

Vivafarm

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе