Боксерот Трајче Илиоски собира боксерско искуство во Тирана

Во Арена Бокс клубот во Тирана, викендов, одржа заеднички тренинг, како и спаринг тренинг, прилепскиот боксер Трајче Илиоски со професионалните боксери од боксерскиот клуб од Тирана-Албанија.

Овој клуб го избравме бидејќи располага со добри и успешни професионални боксери. Целта е за збогатување на искуството и градење на успешна професионалната кариера на Трајче Илиоски. Нашиот тим е задоволен од изработениот тренинг и спаринг борбата на нашиот боксер. Иден план ни е да направиме уште еден спаринг до првата профи борба. Во преговори сме првата деби борба да биде на крајот на ноември или почетокот на декември во Тирана, -истакна тренерот од БК “AC” од Прилеп, Дарко Чатлески.