Во населбата Жабино маало традиционално чествување на празникот Свети Никола

Големиот православен празник Свети Никола и годинава жителите традиционално го чествуваа со радост и желби за здравје и просперитет. Се собраа голем број верници од населбата Жабино Маало и од другите населби пред параклисот кој го носи името на светецот како што е ред во духот на православието со водоосветување и прережување на празничниот колач. Домаќин на светиниколското чествување во насeлбата Жабино Маало, беше Љупчо Костоски,  кој се пријави и наредната година да биде домаќин за одбележувањето на христијански празник, Св Никола, заштитникот на градот Прилеп.

Претходни 1 of 12 Следни

На честувањето на празникот покрај голем број на жители од населбата, пратеници, претставници од локалната самоуправа и Советот на Општина Прилеп , градоначалникот на Прилеп, Борче Јовчески, кој  изрази голема благодарност за организацијата на  домаќинот  и упати покана до сите за утрешната централна манифестација по повод градската слава Свети Никола која започнува од утринските часови со утрена богослужба, а за прв пат ќе се одржи и литија до параклисот во центарот на Прилеп.