Градската болница доби донација од Гентерм

Градската болница Борка Талески денеска доби донација од општествено одговорната компанија Гентерм. Станува збор за машини за перење и сушење постелнина, кои што се неопходно потребни за болницата, посочи Кети Смилеска директор на болницата.

– Машините ќе ги користиме во пералната и при тоа ќе ги замениме старите и дотраени од пред неколку децении. Новите машини за перење и сушење се високо енергетски и економични машини ќе имаме подобра хигиена за сите одделенија кои ги опслужува пералната. Ова е повод да се заблагодарам и да упатам апел и до другите општествено одговорни компании, посочи Смилеска.

Од Гентерм Македонија посочија дека оваа донација нема да биде последна и дека секогаш ќе излегуваат во пресрет на потребите на оваа здравствена установа.

– Ќе продолжиме со соработката со граѓаните од локалната заедница и со градската болница во Прилеп. Овој пат со донирање на опрема за перење и сушење што ќе помогне за болницата да продолжи да обезбедува хигиенски стандарди за пациентите. Ова е наша трета донација, како дел од долгорочната стратегија за помош на локалната заедница во болниците, градинките и училиштата. Наскоро за болницата, ќе ги утврдиме приоритетите за донации и за наредната година Андреј Хафинец директор на Гентерм Македонија.

Донацијата во опрема на машини за перење и сушење е во вредност од 12 илјади евра.