Донација за народната кујна во Крушево за еден месец топли оброци за социјално загрозените лица

Хотелот Панорама и ски центарот Алто донираа храна за народната кујна во Крушево, сместена во зградата на детската градинка “Гонча Туфа”.  Со донацијата се обезбедува храна, топол оброк за еден месец за 67 лица од социјално ранливи категории од Крушево.

Овие лица, корисници на народната кујна, единствен излез или минимум услов за опстанок им е токму топлиот оброк што го добиваат еднаш дневно, секој ден во неделата.

„Донираната храна ќе обезбеди оброци за цел еден месец за сите корисници на народната кујна во Крушево.“, истакна градоначалникот на општина Крушево, Томе Христоски, заблагодарувајќи му се на донаторот за оваа донација на на храна, а за донацијата се заблагодари и директорката на детската градинка „Гонча Туфа“,  Мери Христоска во чиј состав е сместена народната кујна во Крушево.