За Радио Пела : Олимпијката Пулексенија од аеродром на завршни подготовки во Словачка (ВИДЕО + ФОТО)

Прилепската гордост во каратето и македонски учесник на олимпијадата во Токио , Пулексенија Јованоска ексклузивно во нашата програма во живо. Откако ги заврши подготовките во главниот град , таа денеска отпатува за Словачка на завршни подготовки пред олимпиското учество. Јованоска до денес физички се подготвуваше со кондиционене тренера реализираше технички подготовки со својот селектор.

Со самиот факт што на ова натпреварување сме шест натпреварувачки од Европа зборува за квалитетот што ќе биде присутен на олимпијадата а сите мои успеси досега на натпреварувањата покажале дека можам да се носам со сите и да очекувам поволен резултат за мене , рече Пулексенија за нашиот медиум.

Таа вети дека цело нејзино досегашно искуство во каратето да го прикаже во вистинско светло на татамите и достојно да ја претстави Македонија а секако на нејзиниот настап да биде горд тимот кој што работи заедно со неа сите овие години. Ние од се срце ти посакуваме успех и конечно еден олимписки медал да биде круна на твојата одлична кариера.Разговорот со Јованоска можете да го погледнете подолу во видеото.