ИН МЕМОРИАМ: БОРИС ДАМЈАНОСКИ ЗБОГУМ ЗА ЏАОЛО, ИГРАЧОТ ШТО БЕШЕ ДЕЛ ОД ПРОЧУЕНИОТ СОСТАВ НА ПОБЕДА

На 80 години почина Борис Дамјаноски – Џаоло, некогашен фудбалер на Победа. Настапувал во шеесеттите години од минатиот век, на повеќе позиции во одбраната, бековски и во халф-линијата. На прочуениот, сензационален успех во Мостар, каде со 4:3 беше совладан домашниот прволигаш Вележ, Дамјаноски ја има улогата на десен халф.

Со тој триумф Победа влегува во четвртфиналето од Купот на Југославија. Дел е и од генерацијата која го освојува високото 3. место во Втората југословенска лига – Исток, за малку не пласирајќи се во елитното друштво, во сезоната 1965/66.