Македонската ракометна репрезентација патува на Европско, во составот не е Никола Митрески!

Од Гордана Цветаноска На 11/01/2022

Македонската репрезентација денеска патува во Унгарија, каде од четврток 13 ти јануари започнува со настапите на Европското првенство. По направените Ковид тестови, последни пред тргнување на нашите најдобри ракометари, и пресуден за тоа кој ќе може да настапува.

Поради позитивни резултати на последното тестирање отсуствуваат двајцата голмани Никола Митревски и Марко Кизиќ, а од истите причини првенството го пропуштаат Гоце Ојлески и Михајло Младеновиќ.

Дополнително се повикани двајца чувари на мрежата Градимир Чаневски и Благојче Трајковски. Според протоколот на Европската ракометна федерација играчите кои имаа позитивни резултати на тестовите во следниве пет дена ќе бидат во изолација, а потоа доколку во рок од 24 часа имаат два негативни теста ќе може да и се приклучат на репрезентацијата.

Ова е составот на македонската репрезентација :

Голмани : Мартин Томовски, Градимир Чаневски, Благојче Трајковски

Леви крила : Цветан Кузмановски, Бојан Маџовски,

Леви бекови : Филип Талевски, Филип Кузмановски, Марко Мишевски

Централни бекови : Филип Миркуловски, Игор Георгиев, Марко Митев,Горан Крстевски

Пивоти : Стојанче Стоилов , Жарко Пешевски , Костадин Петров, Кристијан Симоновски

Десни бекови : Кирил Лазаров, Мартин Велковски, Мартин Серафимов

Десни крила : Никола Костевски, Гоце Георгиевски

Селектор Кирил Лазаров

Таборот на македонската ракометна репрезентација заминува денес во 14:10 часот за Дебрецин, каде в четврток од 18 часот се игра првиот натпревар од првата групна фаза со репрезентацијата на Словенија.