Милан Тодороски : Треба да се искористи приликата да се игра против Холандија (ВИДЕО + ФОТО)

Во пресрет на последниот натпревар на македонската фудбалска репрезентација на европското фудбалско првенство , во нашата емисија ЗАЕДНО НА ЕВРОПСКО гостин ни беше Милан Тодороски , некогашен фудбалер на прилепска Победа кој сега живее и работи во Австралија .Тодороски се потсети на времињата и начинот на кој се играше фудбал во негово време а исто така го анализираше и дебитантскиот настап на македонската фудбалска репрезентација на шампионатот.

Тодороски вели дека за пресметката против фаворизираната Холандија , македонските фудбалери треба да го одиграат она што го знаат и умеат без некој посебен притисок , за да добијат чисто , едно искуство повеќе. Тој додаде дека кога можеме да ја добиеме една Германија , може да одиграме и против лалињата на исто такво ниво. Целосниот разговор со фудбалската легенда на Прилеп Милан Тодороски , погледнете ја подолу во видеото.