Петто реми на Победа на домашен терен

Победа на стадионот на Могила денеска ги измери силите во дерби натпревар со Слога од Виница од Втората лига-Исток (1:1). Виничани поведоа уште во 8-та минута со гол на Момориски од слободен удар. Израмнувањето стигна во 88-та минута, по центаршутот на Бошески, во казнениот простор на гостите со глава најдобро се снајде Петровски за конечни 1-1.

Победа настапи во следниот состав: Котевски, Бошески, Петкоски, С. Спиркоски (од 65 мин Петровски), Стомнароски, Каралиоски (од 29 мин Митрески), Дунимаглоски (од 65 мин Дамевски), Јошески, Кисески-Илијоски (од 81 мин Симјановски), Најдов и Грозданоски.

Во наредното 19-то коло Победа ќе гостува во Пехчево кај екипата на Кит-Го. Победа се наоѓа на 7 мото место на табелата од Втората лига Исток со 15 бодови.