Прилепчанката Велевачкоска, главен судија на фудбалски натпревар во Втората лига мажи

Во македонскиот фудбал се испишува историја. На натпреварот од Втората лига мажи- Брегалница: Кит Го Пехчево, кој што ќе се одигра во Штип, в сабота, ќе судат четири жени. Главен судија е Ирена Велевачкоска Ристевски од Прилеп, а ќе и’ помагаат Билјана Миланова, Елена Соклеска Илиевски и Ивана пројкоска, сите од Скопје.

Ирена Велевачкоска Ристевски беше повеќе годишен фудбалски голман, а спортската кариера ја продолжи како судија. Велевачкоска денес е реномиран меѓународен судија.