Прилеп повторно на врвот според новозаразени со корона вирус, утре ќе заседава Кризниот штаб

Во последните 24 часа се направени 3349 тестирања за Ковид-19, при што се регистрирани 1288 нови случаи на заразени со коронавирусот, информира Министерството за здравство. Во изминатото деноноќие починале 39 лица, а оздравеле 1078 пациенти. Од новозаразените 1288, најмногу се од Скопје – 570, додека повторно Прилеп е во врвот со вкупно 78 новозаразени од Ковид 19. Починати се 39 лица, од кои шеснаесет се од Скопје и тројца прилепчани. Денеска Институтот за јавно здравје регистрира 1078 оздравени пациенти од кои 36 од Прилеп. За утре, најавена е седница на Општинскиот кризен штаб на која ќе се одлучува за евентуални нови мерки кои би се применувале на локално ниво.