Прилеп повторно со неславно второ место по бројот на новозаразени со Ковид

Министерството за здравство информира дека во последните 24 часа се направени 2.549 тестирања, а регистрирани се 415 нови случаи на Ковид-19, и тоа во: Скопје – 170, Прилеп – 62, Кавадарци – 32, Велес – 25, Неготино – 20, Охрид – 12, Струмица – 11, Гевгелија – 10, Куманово, Тетово и Штип по 8, Богданци – 7, Струга – 6, Крива Паланка – 5, Кратово, Демир Капија, Кочани и Крушево по 4, Гостивар и Кичево по 3, Битола, Делчево и Валандово по 2 и Виница, Дебар и Демир Хисар по 1.

Регистрирани се и 244 оздравени пациенти, и тоа од: Скопје – 110, Кавадарци – 24, Прилеп и Велес по 17, Куманово – 12, Струмица – 9, Битола – 8, Ресен – 7, Гостивар – 6, Неготино и Берово по 5, Тетово – 4, Штип – 3, Охрид, Кратово, Демир Капија, Виница, Радовиш и Дојран по 2 и во Богданци, Крива Паланка, Кочани, Кичево и Пехчево по 1.

Пријавени се 19 починати лица. Како што информираат од Министерството за здравство, во таа бројка влегуваат и шест пациенти што починале во текот на ноември и декември минатата година. Меѓу починатите, 11 се пациенти од Скопје (69, 75, 80, 65, 66, 61, 67, 72, 76, 71 и 68 години), двајца пациенти од Тетово (79 и 65 години) и по еден пациент од Куманово (50), Прилеп (78), Велес (77), Охрид (87), Кичево (51) и Гевгелија (69). Од пријавените смртни случаи, 18 се починати во болнички и еден во домашни услови.