Прифатени рестриктивните мерките – локалите ќе работат до 23 часот, а администрацијата од дома

Со цел справување со зравствената криза, работното време на сите угостителски објекти се ограничува до 23 часот, освен на оние што вршат испорака и се ограничува капацитетот на патници во возилата на јавниот превоз на 50% од вкупниот број на патници предвидени во едно возило.

Владата  ја прифати и препораката на Комисијата за заразни болести, целата државна и јавна администрација, општините и судовите, согласно принципот на работа и работниот процес, организирањето на работата да се одвива во смени или онлајн од дома или, пак редуцирано со систем на ротации зависно од карактеристиките на работниот процес на институциит.

Спортските натпревари не се укинуваа, но останува забраната за присуство на публика на спортските натпревари кои ги организира Ракометната федерација и другите спортски федерации, кои претходно бараа оваа забрана да биде укината.