Пуштено во употреба целосно реновираното подрачното училиште при ОУ „Никола Карев“ во с. Борино, крушевско

Подрачното училиште ОУ „Никола Карев“ во с. Борино е официјално пуштено во употреба. Училиштето е целосно реновирано, со нови, дополнителни содржини и подобрени услови за учениците. Според градоначалникот на општина Крушево Томе Христоски.„ Она што е уште поважно е дека овој проект е најава за големи инвестиции во образованието, односно реконструкција и доградба ќе имаат уште неколку подрачни училишта идната 2022 година.“ Во ова училиште учат деца од прво до петто одделение од  бошњачка и албанска националност, а наставата во училиштето се одвива на македонски и  албански јазик. Објектот се реновираше во рамки на проект на УСАИД за меѓуетничка интеграција имплементиран од Македонскиот центар за граѓанско образование (МЦГО), компонента 3-обезбедување стимул на училишта /реновирање. Реализацијата на проектот чини околу 2 милиони и 400 илјади денари. Од областа на образованието во тек е реконструкција на фискултурната сала и промена на кровната конструкција во ООУ „Никола Карев“ Крушево.