Победа “прегазена“ од Лозница со 8:0 на пријателски натпревар во Србија

Нешковиќ по натпреварот изјавил дека не е задоволен поради потегот на Победа да не настапи со најдобрите фудбалери.

„Очекувавме квалитетен противник со кој може да ги одмериме силите, но Победа не излезе во најсилниот состав. Навистина ми е жал, се чувствуваме измамено, не очекувавме ваков ривал на теренот“, кажа Нешковиќ.

Прилепчани на дуелот против Лозница истрчале со комбиниран тим, со пауза за првотимците кои ден претходно играа со Вождовац, со што ги налутиле домаќините кои очекувале квалитетен тест-дуел а добиле тренинг со екипа која аматерски се однесувала на теренот. Како што пренесуваат србските медиуми, македонските фудбалери во текот на целиот натпревар успеале да упатат само еден удар во рамката од голот на Лозница.

Инаку, Победа во моментов е деветта во Првата лига со 13 бодови и ја чека долга битка за опстанок во елитата.