Цевитана открива свежи и оригинални приказни

Витаминка преку својот бренд Цевитана ја започнува кампањата „Твојата свежа страна“ за запознавање со обичните суперхерои кои имаат исклучителни таленти и инспиративни приказни. Компанијата во соработка со нивната маркетинг агенцијата Дивижн ја започнуваат оваа кампања за промоција на урбаните херои и нивните оригинални, свежи страни, со цел да ги поттикнат и мотивираат младите за откривање на личните „супермоќи“ и развивање уникатни таленти и вештини. Како компанија која е насочена кон помагање на заедницата и поддржувајќи голем број позитивни настани и активности, со новата платформа Витаминка пред јавноста ќе промовира поединци од нашето опкружување преку нивната свежа, непозната страна. Со ова брендот Цевитана кој е синоним за свежина и кој одамна ги слави сите обични суперхерои (Кампања „За сите обични суперхерои“) прераснува во нова платформа и со нов освежен изглед.

„Кампањата ‘Твојата свежа страна’ има за цел да истакне и промовира несекојдневни лични приказни на поединци кои се специфични и оригинални по својата свежа страна, но и истовремено да ја разбуди мотивацијата кај оние кај кои таа ‘страна’ е само желба. Секој од нас во себе носи некои таленти, нешто што нè одвојува од она што е примарно, како одредена пасија, хоби, спорт, страст за нешто… Таа страна кај некого е реализирана, кај некого не е. Свежината којашто ја носат во себе сите 9 вкусови на Цевитана е бранот од нова енергија со чија помош желбата може да стане реалност“, велат од компанијата и маркетинг агенцијата.

Кампањата започнува со серијал од 9 видеа во кои ќе бидат претставени несекојдневни приказни за луѓе, урбани херои кои се околу нас, некои повеќе а некои помалку познати, но за кои не сме имале можност да ја запознаеме нивната скриена страна и свеж, оригинален талент.

Првата епизода е посветена на Ѓорѓи Чешмеџиевски (12 години) ученик и голем вљубеник во математиката, а неговата свежа страна е решавањето рубикови коцки. Учествувајќи на меѓународни натпревари тој секојдневно ги руши личните и државните рекорди, а досега има освоено над 30 медали.

Втората епизода е посветена на Владо Ѓорѓиев, познат шминкер и фотограф кој последните неколку години ја развива својата свежа страна преку изработка на кинетички скулптури со што е единствен на Балканот со ваква пасија и меѓу ретките во светот.

Останатите уникатни приказни очекувајте ги наскоро…

Цевитана – твојата свежа страна.