ЈП „Комуна“ ќе инсталира дигитални водомери во градот Крушево

Со цел да се подобри водоснабдувањето, а загубите на вода да се намалат ЈП „Комуна“ Крушево ќе инсталира дигитални водомери во градот Крушево. Проектот „Дигитална трансформација на јавните водни услуги“ го имплементираат германската агенција ГИЗ во земјава и Македонски Телеком, а ЈП „Комуна“ е избрана како една од три пилот општини кои се вклучени во проектот.

Дигиталните водомери значат подобра контрола врз потрошувачката на вода и дали во одредено домаќинство има дефект, така што  сите податоци ќе бидат достапни дигитално и во реално време. Во оваа прва фаза се очекува ЈК претпријатие да добие околу 300 водомери. Проектот ќе трае до 2025 година.