Десет дена Крушевска Република – многу музика и културни настани, ова е програмата

Манифестација научно културни средби „Десет дена Крушевска Република“ е речиси комплетирана со многу музика, филм, традиција и култура, посочуваат организаторите. Настаните започнуваат од први август:

На 1-ви август во 18:30 часот започнува поворката кон Гумење каде што ќе се полагаат цвеќиња. Официјалниот дел започнува на споменик Илинден во 20:30 часот каде што свој настап ќе имаат хорови и оркестри на Национална филхармонија и Национална опера и балет. Во овој дел ќе настапат и „Танец“ и балерината Ивана Коцевска.

Манифестацијата од 22 часот ќе продолжи на „Гумење“ со читање на Крушевски манифест, обраќање на градоначалникот на општина Крушево и претседател на Советот на НКС „Десет дена Крушевска Република“ Томе Христоски по што ќе следи концерт на Камерниот оркестар, Тамара Тодевска, Наде Талеска, Виктор Апостоловски и Викторија Лоба.

На полноќ ќе има импровизиран напад на Крушево.

На 2-ри август централната манифестација се случува на Мечкин Камен во организација на Владата.

Во рамки на програмата од 3-ти до 10-ти август планирани се:

03.08. Проекција на македонски филм „Хомо“
Режија: Игор Иванов Изи
Сценарио: Игор Иванов Изи и Сашо Кокаланов
Главни улоги: Александар Матовски – Цако, Наташа Петровиќ, Игор Ангелов, Јордан Симонов, Сашко Коцев

04.08 20:00 [Споменик Илинден] Изложба на Зоран Кардула инспирирана од филмскиот серијал Star Wars и вонвременскиот изглед на споменикот Илинден + ди џеј сет на Томи Бојаџи

05.08 Ден посветен на влашката култура и традиција

06.08. 22:00 Крушевска вечер – забава со локални ди џеи

07.08.[Летна сцена] Програма за деца – фестивал „Весели ѕвончиња“, на летна сцена

08.08.[Летна сцена] Настап на Влатко Груевски – тенор

10.08 21:00 [Училница, пред споменик Илинден] Дац & Александар

Спуштање на бајракот на слободата, по што ќе следи затворање на Манифестацијата научно културни средби „Десет дена Крушевска Република“.