Финале на Пиво-фест 2022 (ФОТО)

Традицијата се враќа на најголемиот македонски фестивал на пивото, забавата и вкусната скара. Со настапи на повеќе музичари од земјава и соседството, со бројна публика и посетители на штандовите, вечер завршува четиридневниот, 18-ти по ред Пивофест во Прилеп.

Синоќешната, саботна вечер, традиционално, беше најпосетена со илјадна публика која уживаше во забавата и дегустацијата на пенливите пијалаци и вкусната скара. Имаше гости од повеќе градови од земјава, како и нашинците од дијаспората.

Вечерва, на последниот фестивалски ден на главната сцена програмата започнува во 18:45 часот, а настапуваат: Никола Зацевски, Елена Велевска, Миле Кузмановски, Темпера, Меморија, Галија, додека пак на алтернативната сцена ќе настапи DJ Babura Junior.