ИЗБРИШАНИ ЗБОРОВИ ОД СПОМЕНИКОТ НА „ФЕВРУАРСКИОТ ПОХОД„

Од Елизабета Филипоска На 18/09/2022

Оштетен е споменикот на Февруарскиот Поход – Богомилската Епопеја, што симполизира и потсетува на еден од најзначајните настани за време на НОБ, поход на Народноослободителната војска на Макеоднија, која во февруари 1944 година извршила оперативни дејства на територијата на источна, централна и западна Македонија за ослободување на Македонија.

За оштетување јавно пишува Левица – Прилеп, која го осудува сквернавењето на спомен обележјата од НОБ.

„БРУСЕН СПОМЕНИКОТ НА БОГОМИЛСКАТА ЕПОПЕЈА БЛИЗУ ЈАСЕНОВО. Споменикот гласи: “Вие, хероите од славната богомилска епопеја, во нерамната борба со БУГАРСКИОТ ФАШИСТИЧКИ ОКУПАТОР ги дадовте своите животи за среќната иднина на нашите млади поколенија” Избрyсено е “БУГАРСКИОТ ФАШИСТИЧКИ” дел, со што доаѓаме до заклучок дека власта со полна пареа е спремна да ја промени историјата на Македонија за наводна европеизација.„ пишуваат на својата фејсбук страна од Левица и го осудуваат чинот на непочитување и оштетување на културното-историско наследство.

„Левица Прилеп ова сквернавење строго го осудува и најавува дека ќе излезе со кривична пријава за истото. Според Кривичниот законик на Република Македонија за оштетување на културно наследство е предвидена затворска казна од 1 до 10 години. Историјата на Македонија не е на распродажба за влез во ЕУ и Левица Прилеп ќе се залага локалните историски споменици да останат патоказ за храброста на македонските партизани за идните генерации.„- велат од партијата.

Споменик е во чест на Богомилскиот марш, дел од Февруарскиот поход и се наоѓа близу Јасеново, а секоја година Прилепските планинари, членови на сојузот на борци ,преставници од граѓански здруженија и општините се дел од Бгомилскиот или февруарскиот поход како потсетување на херојството на партизанските одреди .