ЈКП Комуналец: Од 7 часот утринава Прилеп е подготвен за втората фестивалска вечер

Прилепски Комуналец работи по пивофестовска шема за одржување јавната чистота. Веднаш по завршувањето на фестивалската забава ноќеска, екипи на јавното претпријатие прибираа купишта хартија, отпадоци од пластичен прибор, лименки и друг отпад кој што може да се рециклира. За потоа, темелно да се исчистат парковите, а плоштадите, улиците, тротоарите да се освежат. Собраниот отпад потоа се транспортира на депонијата Алинци.

„Задача на комуналците е до 7 часот наутро централното градско подрачје да биде со врвна чистота. Покрај ова, како и вообичаено, секое утро се мијат и сите главните сообрајќајници низ градот.Остануваат три дена од одржувањето на најголемата пивска манифестација, денови кога сите ќе слават, а Комуналец ќе биде со задачата да им овозможи на прилепчани и посетителите чиста и пријатна средина за пивското дружење,“ посочуваат од ова јавно претпријатие.

Претходни 1 of 6 Следни