КАПИНКОВСКИ ЗАДОВОЛЕН ОД МАСОВНОСТА НА ПРВИОТ СОБИР НА ПОБЕДА (ВИДЕО)

Екипата на есенскиот првак во Втората фудбалска лига – Исток , Победа, првиот овогодишен тренинг го одработи со многубројно присуство на првотимците. На првиот собир во просториите на Градскиот стадион „Гоце Делчев“ во Прилеп не беше само капитенот Даниел Карчески, кој приклучокот го најавил за утре.

Од минатата есен ги нема Андреј Петкоски, скопјанецот Дарко Дигаловски, неготинците Петар Најдов и Кирил Неделков, но затоа пак има новодојдени – струмичанецот Стефан Истатов (Швајцарија), прилепчаните Марио Наумоски (Брегалница Ш), Филип Димоски (Саса), а за утре е најавено доаѓањето на Дарко Тофилоски и Јорданчо Наумоски (Тиквеш).

Спортскиот директор Благоја Гешоски најави подготовки во Прилеп и Дојран со неколку пријателски мечеви, меѓу кои против Тиквеш и Воска, а шефот на Стручниот штаб Димитар Капинковски изрази задоволство од масовноста на првиот собир (ВИДЕО).

https://www.facebook.com/ShampionMK/videos/297604599072917