Марко Ристески најсреќен во Прилеп, Костадин Петкоски во Мало, а Валентин Пуцакоски во Големо Коњари

Тринаесет годишниот ученик од ООУ Рампо Левката, Марко Ристески, беше најсреќеното момче кое го извади осветениот крст од водите во дворот на Стара Црква – Св Благовештение, каде претпладнево се одржа положувањето на крстот.

Годинава, како што одлучи Преспанско-пелагониската епархија  поради пандемијата со Ковид 19, изостана масовното одбележување на големиот православен празник Богојавление – Водици во Прилеп.

Во духот на традицијата од рано утринава, во црквите во прилепско, по повод празникот Богојавление – Водици  се одржа Света Божествена литургија, по што следеше светото положување на крстот во населените места.

Во Мало Коњари традиционално, во базен во дворот на црквата Пресвета Богородица, беше положен светиот крст, при што најсреќен годинава беше Костадин Петкоски.

Во Големо Коњари, најсреќен во водите во паркот на ова населено место беше Валентин Пуцакоски