CSS Template

Николоски: Ќе го промениме Законот за тутун и ќе ги зголемиме субвенциите

352

Носителот на кандидатската листа за пратеници во ИЕ 4 и потпретседател на ВМРО-ДПМНЕ  Александар Николоски денеска во посета на Прилеп и прилепско на средба со граѓаните, од каде претстави дел од програмата на партијата.

-Во нашата програма „Обнова на Македонија“ сериозно ќе се посветиме на зачувување на македонското национално достоинство, силен економски развој во Македонија, дури и во вакви услови на корона криза, со зголемување на просечните плати за 25 проценти, пензиите во просек за 20 проценти, а најниските пензии и многу повеќе од тоа, рекордно ниско ниво на даноци од само 8 проценти, дополнително привлекување на странски и домашни инвестиции кои што запреа во овие три години, силна битка со организираниот криминал и корупција и нашиот проект за потекло на имот на сите функционери, политичари и останатите јавни функционери во изминатите 30 години, изјави Николоски.

Од Прилеп, Николоски го повика Зоран Заев да одговори дали може да го докаже потеклото на своето богатство, но и богатството на неговото семејство. Воедно, од центарот на тутунопроизводството во Македонија, Николоски се осврна и на состојбата со производството и продажбата на тутунот.

-Повеќе од година и пол бараме одговор на прашањето зошто се донесе Закон за тутун во 2019 година, со кој што се дозволи да се увезува тутун пред да се откупи домашниот тутун и зошто за оваа година има потпишано договори за 20 милиони тони тутун иако вкупните производствени капацитети во Македонија се некаде 25 до 27 милиони тутун. И што ќе се случи со овие 5 до 7 милиони кои што ќе останат. Дали тоа се прави така за да се уценуваат земјоделците, за да им се спушта цената, за да се намалува класата и за некој дебело да профитира со таа работа, праша Николоски.

Како што посочи Николоски, ВМРО-ДПМНЕ се обврзува во првите 100 дена да го промени законот за тутун, при што ќе се гарантира класата на тутунарите и  зголемување на субвенциите.

 


semm
Vivafarm
Farma Dolneni