Победа денеска го игра првиот контролен натпревар, најавени две засилувања

Во рамките на подготвителниот период за новата сезона прволигашот Победа денеска го игра првиот контролен натпревар во Штип со Брегалница. Почетокот на мечот е закажан за 17 и 30 минути.

Во овој период на структуирање на играчкиот кадар од страна на шефот на стручниот штаб Бобан Бабунски, неофицијално во игра се уште две засилувања Наумче Бакрачески и Љавдрим Фазлиу .

Бакрачески (25) е играч од средниот ред, а може да игра и во дефанзивата. Последен клуб му беше штипска Брегалница, претходно играше и за Тиквеш, Металург.

Фазлиу (22) е офанзивен играч за врска чиј што матичен клуб му е Работнички, настапуваше за Пелистер, а доаѓа од Македонија Ѓорче Петров.