Победа поразена во Струмица

На стадионот на Спортскиот центар „Пандев“ во Струмица  пријателскиот меч меѓу Академија Пандев и Победа, заврши со победа на  домаќините од 4-3.

Победа поведе со голот на капитенот Бојан Спиркоски, а до одморот, домашните израмнија на 1-1.

На почетокот на вториот дел А.Пандев ги искористи грешките на гостите и со 3 брзи гола стигна до убедливо водство од 4-1. Водството на домашните на 4-2 го намали Атдхе Мазари, а конечните 4-3 со својот втор гол-најубав на мечот од слободен удар од 20-тина метри ги постави Бојан Спиркоски.

Победа започна со: Тофилоски, Рамани, Стомнароски, Паноски, Коцев, Бошески, М.Наумоски, Тодороски, Мазари, Петејчук и Б. Спиркоски. Во вториот дел уште играа: Котевски, Хани, Делов, Џурковиќ, Симуновиќ, Џејмс и Амос.

За двата тима ова беше последниот меч пред стартот на новата сезона. Следната недела во 1-то коло Победа ќе гостува на Струга Трим Љум.